LIONS CLUBS INTERNATIONAL ДОНИРАШЕ ЛЕНТА ЗА ОДЕЊЕ ВО ДНЕВНИОТ ЦЕНТАР ЗА ЛИЦА СО ПОПРЕЧЕНОСТ.

LIONS CLUBS INTERNATIONAL ДОНИРАШЕ ЛЕНТА ЗА ОДЕЊЕ ВО ДНЕВНИОТ ЦЕНТАР ЗА ЛИЦА СО ПОПРЕЧЕНОСТ.
јуни 09 23:57 2021

LIONS CLUBS INTERNATIONAL District 132 Република Северна Македонија Lions Club St. Pantelejmon во соработка со клубовите ,,Алфа” , ,,Светлина”, и ,,Вардар”, донира лента за одење на Дневниот центар за лица со телесна или ментална попреченост во Берово.

Како што истакна Претседателот на Лајонез клуб ,,Св. Пантелемон”, Владимир Миленков, Лентата за одење, е купена со средства кои се соберени преку собирање на 450.000 капачиња од шишиња и иста таква лента, е донирана и во Дневниот центар во Штип.

Донацијата беше поздравена и од првиот човек на Берово, Градоначалникот Звонко Пекевски, кој упати благодарност до донаторите, а на децата и вработените во Дневниот центар им посака со здравје да ја користат, додавајќи дека оваа донација покрај хуманитарен има и еколошки карактер, при што капачињата се соодветно селектиран отпад, кој ќе им овозможи на децата кои го посетуваат дневниот центар да вежбаат и треба да биде пример за тоа како може правилно да се управува со отпадот.

Ова не е првпат Лајонез клуб ,,Св. Пантелемон” да донира за Берово, при што изминатиот период тие имаат донирано пинг понг маса и детски реквизити. Мотото на оваа организација е ,,Ние служиме и се дружиме и помагаме на оние на кои им е потребно”.

87Firdeska Zekirova, Наташа Нешовска and 85 others7 SharesLikeCommentShare

  Категории: