Здружението на граѓани Maleshnet под мотото “Подобро на баскет, подобро на спорт отколку пред компјутер” организира турнир во баскет (3 на 3) – Streetball Берово 2018.
Турнирот ќе се одржи од 4 август до 6 август на спортското игралиште кај старата гимназија во Берово.
Учество на турнирот може да земат сите рекреативци и љубители на кошарката. Пријавувањето е во тек и ќе трае додека не биде исполнета бројката од 16 екипи. Екипите треба да се состојат од 3+1 играчи, а за учество се плаќа котизација во вредност од 600 денари.
Најуспешните три екипи ќе добијат вредни награди и ќе има голем број на изненадувања. По заврашувањето и во тек на натпреварите за забавата ќе се погрижи DJ Sene кој ќе ве забавува со звуците на Old School HIP HOP музиката.
Контакт за пријавување и информации: Горан Каракутовски-КЕКИ – 077 600 363 Борис Двојаковски – 070 309 547
