Катастрофа им се заканува на производителите на сливи. Македонскиот пазар нема капацитет да го откупи годинашниов род на сливи. Само во Делчевскиот крај на откуп веќе врора недела чекаат околу 5.000 т. модра слива:

• Ние како пазар сме ограничени за д аго прифатеиме целокупното производсто на сливи, а извоз во моемнтов нема, кажа  агроном инг. Раде Манасиев,  некогашен откупувач на сливи кој со ова апроблематика се занимава над 30 години.

Поради високите температури, сливите веќе се расипуваат , па во обид да го продадат родот, делчевските овоштари денес го блокираа патот кон Берово:

• Сливата веќе се расипува, секој ден собирам од 10-15 казани модра слива која скапува, кажа Трајчо Стоилов, производител на сливи.

Во меѓувреме, овоштарите седнале на заедничка маса со претставници од ресорното министерство, на која ги дефинирале деталите околу откупната цена:

• Договорот е да се дадат два денари субвенции на откупувачите и исто толку на производителите. Она што ќе остане неоткупено , да се процени од страна ан посебна комисија и да се плати по 5 ден. за килограм, кажа Благојчо Митревски, производител на сливи.

Но ова малку значи, ако откупот не почне. Овоштарите даваат рок до  четврток по што најавуваат секојдневни  блокади  на патиштата на Истокот. Истите според нив, не се прашање на политика, туку на егзистенција:

• Овде нема никаква политика. Ние не сме ни ВМРО ни СДСМ. Ние сме само производители на сливи кои три години по ред трпат само загуби, кажа  Атанаско Ангеловски, производител на сливи.

Еден ден претходно, блокади на патот организираа и производителите на модра слива од Радовишко.

 

Извор: Тв Стар