За неполни 12 часа, три камиони излетаа од патиштата на Истокот. Еден возач почина, еден е во болница.

март 20 21:52 2018 од Senad Rasimov

За неполни 12 часа, три камиони излетаа од патиштата на Истокот и завршија во околните ниви. Еден возач почина, еден е во болница.

Причина за излетувањето на првиот камион во близина на македонско-бугарската граница кај Делчево е срцев удар кој го добил возачот додека возел.  Станува збор за 55-годишен возач од Богданци, кој починал на лице место.

28-годишен возач од Србија, пак, со повреди заврши во Штипската клиничка болница, откако на патот Штип – Радовиш, изгубил контрола над „сканијата“ која ја возел и завршил во сообраќајниот знак. Поради увидот и отстранување на возилото, патот на овој правец бил во прекин од од 23.00 до 05.00 часот утринава.

Излетан камион кај селото Гајранци, беше причина за неколкучасовен прекин на сообраќајот на патот Крупиште – Пробиштип. Колони возила чекаа камионот да биде подигнат и тргнат од патот:

• Кога дојдов, камионот беше обрнат, морав да го стопирам сообраќајот за да се извлече возилото. Дојде полиција, стручна екипа и го отстранија камионот, кажа возач.

До излетувањето дошло кога на тесниот пат требало да се разминат камионот и автобус, при што камионџијата изгубил контрола. За среќа повредени нема.