Огромно признание за добрата работа на двете наши најголеми политички партии пристигна од САД, откако милијардерот Бил Гејтс побарал од нивните лидери да испратат свои експерти за да му помогнат со чипирањето на населението на планетата Земја.

Светските медиуми јавуваат дека во конкуренција на партиски војници и потрчковци од целиот свет, нашите примероци се покажале како најспособни и најефикасни, па милијардерот одлучил тие веднаш да бидат ангажирани и испратил приватен авион за да ги донесе во седиштето на Мајкрософт.

Како што дознаваме, Бил бил импресиониран од нивните познавања од областа на чипирањето и фактот што, иако користеле застарени методи, сепак успеале да чипираат огромен процент од својот народ, без притоа некој да се побуни или да крене глас против.

Автор: Иљче

Извор:kooperacija.mk