Во пресрет на Новата 2023 година, младите беровски музичари, членови на дувачкиот оркестар „Ројал Брас Бенд“ ја промовираа новата песна и видео запис насловена „Балкан гејм“. За вљубениците на звукот на трубата, оваа оро во брз ритам и со изобилство на весели моменти, дефинитивно ќе ги исполни вашите очекувања и не би останале смирени.

Фронтменот на брас бендот Јашар Алимановски истакна дека веселите звици во песната се добредојдени за празниците, додека соработката со неговите колеги и челнови во бендот, после многу труд на крајот резултира токму со оваа парче кое би требало да стане хит.

-Навистина сум среќен што песната е разбирлива, весела и токму затоа ја нарековме Балкан гејм, бидејќи целиот Балкан не може да остане мирен а да не заигра на неа. Со моите соработници и членови, навистина вложивме труд и вежбање и по неколку часови на ден, а секогаш на крајот трудот се исплаќа. Сакам да се заблагодарам на сите кои учествуваа во овој проект и верувам дека ќе се слуша не само за празниците туку и ќе стане голем хит, посебно тука во мојот град Берово, а Беровчани се весели луѓе кои знаат да препознаат што е добро. Посебна благодарност упатувам до Рефреш кафе каде што се снимаше видео записот и до порталот Малеш Нет. Уште еднаш на сите Беровчани, Малешевци и сите луѓе во светот им ја честитам новата 2023 година со оваа песна и им посакувам да бидат здрави, среќни и весели како и секогаш – рече Јашар Алимановски.

Во продолжение погледнете го видео записот од најновата песна на беровскиот брас оркестар „Ројал Брас бенд“: