Се надевам дека во текот на денешниов ден пожарот  целосно ќе биде ставен под контрола, порача лидерот на ВМРО-ДПМНЕ при денешната посета на беровското село Будинарци.

-Бев информиран дека авионот од типот „Херкулес” што специјално е пратен од Романија во моментов го надлетува теренот и се врши санирање на огнената стихија се до нејзино целосно ставање под контрола. Се надевам дека во текот на денешниот ден тоа ќе се заврши и жителите овде во Будинарци, во Мачево и во останатите населени места во општините Берово, Пехчево и Делчево ќе можат мирно да спијат и ќе можат понатаму да ги обавуваат нормално своите секојдневни обврски, изјави Мицкоски.

Тој нагласи дека денеска е во Малешевијата, во беровско Будинарци, каде, како што кажа, имал можност од прво лице да се увери во сериозноста на ситуацијата.

-Би рекол стотици хектари шума е изгорена, направена е огромна штета која благодарение на натчовечките напори на пожарникарите, на војската, но и на луѓето коишто дојдоа од Австрија и Словенија пожарот во моментов е локализиран, рече Мицкоски.