За време на полицискиот час во Берово, граѓаните имаа можност да ја слушнат македонската химна во изведба на неколку музичари Роми на дувачки инструменти од нивните тераси.Навистина прекрасно, а идејата започнала така што еден од музичарите излегол на тераса и почнал да ја свири химната, но што брзо му се приклучиле и останатите музичари од соседните куќи.Како што велат, тоа е подржка за лекарите кои секојдневно даваат голема храброст и сила за спечување на корона вирусот и за сите други сограѓани Беровчани.

Инаку Берово важи за град на големи талентирани музички имиња, познати во светот.Луѓето кои живеат овде се познати по големите веселби и музичкиот слух кои го поседуваат.Многу луѓе живеат токму од тоа, но Корона вирусот удри и по нив, како што велат ситуацијата е неповолна, бидејќи сите веселби се откажани, а нивната егзистенција е доведена во прашање.Но се надеваат дека сето ова побрзо ке заврши и испратија порака до сите Беровци да издржат и да се чуваат,на крајот се ќе биде добро и ќе прославиме со песна сите заедно.