„Мрдни со прст“ во пехчевски Црник го уредуваше дворот на детската градинка.

Жителите на пехчевското село Црник ‘мрднаа со прст’ за реализација на работната акција “Заедно до поголеми детски насмевки”. Акцијата обедини  60-етина млади, деца и возрасни кои работеа на  уредување на дворот пред детската градинка и поставување на детски реквизити.:

• Оваа акција беше поддржана од страна на НВО КХАМ од Делчево и општина Пехчево во рамки на иницијативата ,,Мрдни со прст’’ заедно Детската градинка 7ми Септември и има за цел цел да ја подигне јавната свест за различните можности кои се во доменот на секој поединец како и да се понудат идеи за приднонес  кон специфични активности  во рамки на  заедницата во кои граѓаните можат да се вклучат индивидуално, но и колективно, изјави Ромина Кајтазова од НВО КХАМ Делчево.

На овој начин, жителите на Црник уште еднаш ја истакнаа важноста од правилното детектирање на приоритетите , но и обединувањето околу нивно реализирање:

• Жителите од село Црник најмногу придонесоа кон успешност на оваа акција и покажаа дека соработката со институциите е возможна и дека со желба, ентузијазам и проактивност може да се случи промената што сакаме да ја видиме, кажа Кајтазова.

Од НВО КХАМ Делчево очекуваат да продолжи ентузијазмот на граѓаните за промена на нештата, но исто и совесно и грижливо да се одржуваат општите добра.

ИЗВОР: Тв Стар