Доминик Меквеј е роден во 1985 година во Англија. Својот бизнис го започнал на 13 години, а станал милионер на 15 години. Како? Еден ден Доминик сурфаше на интернет и меѓу другото ја впиша адресата на познатата компанија за кредитни картички „Visa“, па наместо „Visa“ напишал „Viza“. Таа грешка при пишувањето на интернет адресата набрзо му донела добивка од пет милиони долари.
Имено, кога го впишал зборот „Viza“ наместо „Visa“, се отворила веб-страницата на една американска компанија која се занимавала со производство на микроскутери. Како и секое момче на негова возраст, Доминик веднаш посакал да има ваков скутер, но бил свесен дека неговите родители не можат да му ја исполнат желбата.
Меѓутоа, Доминик набрзо покажал знаци на генијалност кога на адресата на споменатата компанија испратил е-пошта во која ги известил дека може да продаде многу вакви скутери во родната Англија, само ако му испратат еден бесплатно.
Се разбира, американската компанија категорично ја одбила неговата понуда. Но, она што го направи Доминик беше вистински маркетиншки трик, бидејќи набрзо доби понуда од истата компанија дека доколку купи пет скутери, шестиот ќе му го испратат бесплатно.
Не му оставиле време да чека, па Доминик тргнал на работа.Набрзина почнал да собира пари за пет скутери, да продава акции, играчки и аудио дискови со своите пријатели.
Така ја собрал сумата за пет скутери, што му овозможило бесплатно да го добие шестиот. Бил пресреќен, но бил и свесен дека мора брзо да ги продаде тие пет скутери доколку сака да продолжи со овој профитабилен бизнис. Ги продал за една недела, а потоа купил уште десет скутери и ги продал за една недела. Значи, дали возраста е пречка на патот за амбициозниот млад човек да ја достигне својата цел? Секако дека не.
Доминик продавал многу скутери преку телефон, а потоа создал веб-страница која имала преку 30.000 посети дневно. Седум милиони скутери продал преку Интернет, а четири милиони преку други канали.
Но, тој не беше задоволен со тоа. Набљудувајќи го секојдневниот сообраќаен метеж во Лондон, тој размислуваше за тоа како работниците можат да патуваат на работа со скутери и да го избегнат депресивниот сообраќаен метеж. Сфатил дека сè што треба да направи е да ја шири својата идеја меѓу луѓето. Така, за време на училишниот распуст ја искористил приликата со скутер да оди во метрото во Ливерпул. Бил бркан од полицијата поради делење пропаганден материјал, но тој возејќи брзо и вешто на својот скутер успеал да подели многу летоци и успеал да продаде многу скутери на службеници и вработени во железницата.
Доминик Меквеј моментално пишува приказна за своите искуства како успешен бизнисмен, а инаку е консултант во Одделот за претпријатија, трговија и вработување при ирската влада и стручен консултант на голем број институции и организации во Англија. Во 2009 година, британскиот The Sunday Times го прогласи за највлијателен бизнисмен помлад од 30 години.
Неговите планови во иднина се да се кандидира за градоначалник на Лондон на некој од следните избори, а потоа и за премиер на Велика Британија. Тоа не би било изненадување, доволни му се гласовите на 11 милиони луѓе кои ги возат скутерите што им ги продал.
Од ова може да се извлече заклучок, со кој веројатно сите ќе се согласиме: успешен е оној кој ќе успее да извлече корист од грешката, кој ја користи понудената можност.
