Градоначалникот на Берово, Звонко Пекевски по враќањето од Сандански, Р. Бугарија каде со претставници на Заедницата на Општини присуствуваше на дводневниот состанок во рамки на ИПА програмата, на поставеното прашање од наша страна за граничниот премин Клепало, истакна дека Клепало е стратешки проект на програмата 2021-2027 со обезбеден буџет од 10 милиони евра.

-Бидејки ова прашање е пласирано во последните 30 години, ценам дека се додека не почнат активностите кои ќе ја вратат довербата на нашето населенеие дека конечно ќе имаме отворање на Граничен премин и отворање кон Европа, не треба да го експлоатираме тоа прашање, бидејки низ годините наназад имаше премногу ветувања, а многу мала реализација, рече Пекевски. Додаде дека искрено верува во реализацијата на тој процес, потенцирајки дека со отворањето на Граничниот премин Клепало ќе се оствари сонот на многу генерации беровчани.

-Знаете дека наш сон на генерациите е тој премин да биде отворен, и секако Берово да има можност, а да не биде последна општина на границата туку да има врата кон Европа и да има поголема фреквенција на луѓе, стоки и услуги што ќе создаде подобра локална економија и секако подобра благоссотојба на граѓаните. Секако ќе влијае и позитивно на овие негативни тренодви со бројките од пописот и трендот на иселување на младите во изминатите години, додаде Пекевски.

На состанокот, како што додаде Пекевски беа презентирани и останатите ИПА проекти преку кои Берово изминатиот период бележи врвни унапредувања на општествените процеси.

Во продолжение видео од изјавата на Пекевски: