Во тек се градежните активности, за изградба на нов објект, кујна во Домот за стари лица ,,др. Иван Влашки” во Берово, кој има капацитет од 39 места, за корисници.

Новиот објект, ќе биде наменет за сопствена кујна, преку која корисниците ќе добиваат топли оброци.

Сметаме дека со реконструкција на објектот и намена за кујна, установата ќе ги унапреди условите за престој  на корисниците. Веќе подолго време планираме и конечно се реализира овој проект, кој се надеваме дека ќе биде на задоволство на нашите коирисници а воедно ќе овозможи дополнителни работни места во установата, но се надевам и дополнителни социјални услуги-истакна градоначалникот Пекевски.

Домот за стари лица во Берово е единствената установа од ваков тип во источниот регион и унапредувањето на услугите во установата, е од големо значење за населението од источниот регион.

Во изминатиот период во установата е зголемен капацитетот, парково и урбано е уреден дворниот простор, со што во установата секојдневно се работи на подобрување на условите за престој на корисниците.