Во присуство на поголем број гости, денес свечено се отвори новиот бербер салон „Голд“ во сопственост на младиот стилист од Пехчево, Џевад Абдулов, кој ќе нуди услуги на уредување коса и брада за мажи, по терк на светските трендови. Преубаво уредениот салон, на локација во центарот на Пехчево, претставува ново и модерно место кое го разубавува градот.

Судејќи по ентериерот и прекрасно дизајнираниот простор, овој ултра модерен салон, е досега нјдоброто место каде можете да добиете врвна услуга за вашата коса. Сопственикот Абудулов го запрашавме за неговата желба за шишање и идејата за овој бербер салон.

-Уште од мал сакав да бидам стилист поточно, машки бербер и ме привлекуваа различните машки фризури кои некако ми претставуваа пасија и професија со која сакав да се занимавам. Желбата ми беше да отворам и имам сопствен салон, која еве денес е јаве и ми се исполни. Верував дека еден ден тоа ќе се случи и им благодарам на сите присутни, кои дене се тука на отварањето на ова место, кое верувам дека ќе биде посетено од многу Малешевци па и пошироко. Отсега Пехчево ќе може да се пофали со модерно студио за уредување на коса и брада. Ве поканувам од утре да го посетите салонот и верувам дека вашите желби и модни вкусови ќе бидат реализирани од моја страна – рече сопственикот Абдулов.

Ново отворениот машки бербер салон во Пехчево исто така има посебно катче за дечиња, кој на иновативен и интересен начин, со специјално изработен стол за шишање на деца во форма на автомобил, ќе биде привлечен за сите дечиња, а доказ за тоа е и денешниот ден, каде најмалите покажаа голем интерес за да седнат на специјално направениот стол за нив.

Меѓу присутните гости, беше и нашиот познат лик Џамбо Агушев, фронтмен на дувачкиот оркестар Агушеви, кој не изостана да му посака многу среќа и успех во работата на сопственикот. На настанот свечено беше исечена лента, со што се означи почетокот на едно преубаво катче за уредување на коса.

Нека му е со среќа на младиот машки бербер Абдулов и му посакуваме многу успеси и работа во иднина.