Проектот „Регионално партнерство за подобро спроведување на Зелена Агенда за Западен Балкан на локално ниво”, е во реализација од партнерството меѓу едно носител здружение – Здружението на граѓани „Центар за климатски промени” (ЦКП) заедно со 7 партнерски организации од различни региони на земјата и тоа: Еко-зелено движење, Берово, Флорит Гевгелија, Креактив-Кавадарци, Еко акција од Тетово, Геосфера-Битола, Национален ромски Центар Куманово и Екотуризам 2016-Охрид, во рамките на програмата за партнерски грантови на Цивика Мобилитас, односно е подржан од Швајцарската агенција за развој и соработка.

Целта на проектот е да допринесе кон овозможување на транзицијата на Македонија кон целите на ЕУ за јаглеродно неутрално општество преку подобрено инклузивно и транспарентно спроведување на Зелената Агенда за Западен Балкан на локално ниво, со активна соработка на граѓанскиот сектор со сите засегнати страни и вклученост во креирањето на политиките.

Очекувањата се подобро спроведување на законодавството кое произлегува од барањата на Зелената Агенда, но и кон ниско јаглеродна економија преку заедничка акција и регионална соработка на сите засегнати страни во државата. Проектот во спроведувањето на активностите ги вклучува локалните самоуправи и за таа цел партнерските здруженија, секоја локално во регионот во кој делува побараа, добија и потпишаа меморандуми за соработка солокалните самоуправи, кои се обврзаа да ги поддржат во спроведувањето на проектот, во нашиот случај општина Берово и општина Пехчево, преку:

• Учество во размена на искуства на национално, регионално и локално ниво
• Заедничка промоција на стекнатото знаење за мерките и стратегиите за Зелена Агенда
• Примена на стекнатите искуства, наоди и информации во рамките на проектот
• Пренесување на резултатите од проектот до засегнатите страни на локално, национално и регионално ниво.

Резултатите кои треба да произлезат од овој проект се:

• Зајакнати капацитети на ГО- граѓанските организации и ЕЛС единиците на локалната самоуправа, како и нивна подобра соработка, воспоставување на мониторинг за следење на спроведувањето на ЗАЗБ- Зелена Агенда за Западен Балкан на локално ниво, како и поголема вклученост во процесот на донесвање одлуки –Подржани ЕЛС од страна на ГО, во резултат развиени политики и стратегии за спроведување на ЗАЗБ на локално ниво
• Зголемена свест на пошироката јавност за придобивките од ЗАЗБ

Во моментот локалната партнерска организација, која е задолжена за комуникацијата и соработката на наше источно локално ниво, ЕКО ЗЕЛЕНО ДВИЖЕЊЕ, БЕРОВО, спроведува дел од проектните активности, кои се исклучително важни, затоа Ве замолуваме за лично вклучување во едната од нив, а тоа е „Анкета за испитување на јавното мислење на граѓаните на Македонија за Зелена lАгенда” која е сеопфатна и ги опфаќаа сите столбови од зелената агенда, вклучувајќи и општа перцепција за екологијата.

Линкот до анкета, за испитување на јавното мнение е: https://forms.gle/LhiQ4Y1BB2GkkETh9

Вашето вклучување кое е од особено значење би било одговарање на анкетата, но се до последното прашање за да можат одговорите да се испорцесираат, бидејќи во спротивно, системот нема да ги регистрира и зачува, а и секако препраќање на линкот со анкетата до сите оние кои сакаат активно да придонесат во градење на подобра зелена иднина за сите, за кое се важни и вакви мали, а големи чекори и силно влијание да истите ја пополнат анкетата, за да може да се добие што појасна слика за регионот, кое би помогнало во планирањето на идните активности и приоритети кои би биле од корист за нашиот регион. Препраќањето на линкот може да биде и по емаил, вибер, смс… анкетата може да се одговоара -пополнува и преку мобилен телефон и преку компјутер/лаптоп…

Ви благодариме за вниманието, го цениме Вашето време, лината заложба и учеството.

Ве поздравуваме до следното дружење, станете и останете зелени Ј.

Со почити

Еко-зелено движење, Берово

https://docs.google.com/forms/d/e/1FAIpQLSdIwB_hERkj1TWA-zdoA4PmG7bLV42wuAWi7xtplrk-hwo0jg/viewform