Маунтаин Експириенс Македонија од Скопје, а во соработка со општина Берово и општина Пехчево организира обука за професијата водич во планина. Оваа обука се спроведува како дел од програмската активност „Мапирање на потенцијалот на патеки на планина и ставање во функција на мрежно поврзан систем на патеки за планински рекреативен туризам на Малешевските планини (Берово и Пехчево)“ која се спроведува како еден од приоритетите дадени во акцискиот план на пилот Регионалниот план за унапредување на шумите во Малешевскиот регион (Берово и Пехчево) подготвен во рамки на Програмата за зачувување на природата во Северна Македонија – фаза 2 (ПЗП), проект на Швајцарската агенција за развој и соработка– SDC, координиран од „Фармахем” од Скопје.

Заинтересираните лица за учество на обука за професија водич во планина во Малешевскиот регион треба да ги исполнуваат следниве услови за учество на обуката:

• Да имаат најмалку средно образование;
• Да не се осудувани за насилство;
• Да имаат солидна физичка подготвеност;
• Да имаат лекарска потврда за занимавање со спорт;
• Да се осигурени од несреќа при занимавање со планинарство;
• Да бидат на возраст од најмалку 18 години;
• Да имаат познавања за планинската географија на Република Северна Македонија;
• Да се жители на Малешевскиот регион (општина Берово и општина Пехчево);

Дополнителни информации за обуката, начинот за пријавување и за професијата Водич во планина може да се видат на веб страната на Македонската асоцијација на интернационални водичи во планина www.maiml.mk.
Заинтересираните лица треба да се пријават на [email protected] или [email protected] со пополнување на апликацијата дадена во прилог најдоцна до 10 август 2020 година.
Трошоците за обуката на избраните кандидати ќе бидат покриени од страна на Програмата за зачувување на природата.

Пријавата за обуката за водачи може да ја преземете на следниот линк.