Во присуство на голем број гости и познати македонски музички доајени, викендот во хотелот „Панорамика“ во скопско Водно, се одржа прес конференција за фестивалот „Фолк Фест Владимирово“. Овој најнов музички проект на нашиот маестро Горан Алачки, со кој реши на голема врата да го врати автентичниот звук од некогашните Валандовски фестивалско-хитовски изданија во своето Владимирово.

На настанот беа преставени 12-те новокомпонирани песни кои ќе ги изведат доајените и музичките звезди што ќе учествуваат на новиот “Фолк Фест Владимирово” кој ќе се одржи на 29-ти Мај 2025 година.

Исто така на пресот присутни беа сите пејачи, автори, музичари, инструменталисти кои се вклучени во овој проект, но имаше и естрадни личности кои со своето присуство го подржаа проектот како на пример Блага Петреска, која од оправдани причини не можеше да потврди учество на фестивалот, а покра неа ги видовме и Ванчо Тарабунов, Нино Величковски, Круме Спасовски, Ленче и Горан Кукиќ, Илчо Јованов, Јове Кекеновски во друштво на сопругата, Жаклина Узунова, Благоја Грујовски, Перо Христов, Ристо Краповски и многу дуги естрадни личности, продуценти, автори, новинари.

Со свое присуство и поддршка на Горан Алачки, настанот го удостоија и жители на селото Владимирово, кои воедно донесоа и превкусни домашни малешевски специјалитети, со кои после официјалниот дел беа послужени присутните.

Во продолжение еве ги 12-те новокомпанирани песни, кои ќе бидат изведени на „Фолк Фест Владимирово“: