Обезбедени се доволни количини вода во случај да не стивне ветрот и пожарот да го нападне село Будинарци. Премиерот Зоран Заев кој денеска е во посета на опожарените подрачја во Малешевијата е убеден дека државата ќе се справи со пожарот и овде ќе биде комплетно локализиран.

-Горе се локализира, но секако ветрот не му дава можност да се стиши огнот. Се прават обрачи на два дела. Едниот е првиот обрач поблиску до огнот, а вториот обрач е веднаш до селото затоа што по протокол и процедура така мора да се заштитат и граѓаните, најважно, па понатаму и имотот, недвижностите, куќите, шталите се што поседуваат граѓаните. Се надеваме дека со помош на авионите коишто се овде, заедно од Србија и нашите ќе можеме сето тоа да го направиме, рече Заев.

Премиерот додаде дека заедно на терен со нашите противпожарни единици се австриските и другите противпожарни единици кои прават дополнителни вештачки резервоари за да обезбедат дополнителни количини, се со конечна цел доколку ветрот го насочо огнот поблиску до селата, да не се губи време на дополнително одење и доаѓање на полнење, туку тука да се создаваат самите резервоари, кое што претставува дел од протоколите на нивното дејствување.

-Јас верувам дека секако ќе се заштитат човечките животи, имотите овде. Важно е да се делува од сите страни. Посебен респект за противпожарните станици коишто се директно таму експонирани кај што е огнот и тука го пресекуваат. Гледате дека механизација прави продорни патишта заради пресекување при евентуалното негово доаѓање поблиску до населените места. Значи, се преземаат сите дејствија за да може да се локализира и ова најголемо жариште во државата, а тоа е пожарот помеѓу Берово, Пехчево и Делчево буквално којшто е некаде во радиус од 50 километри, додаде премиерот Заев.

Освен за големото жариште премиерот информираше и за пожарите во Радовишко, и во Прилепско и на други места во државата коишто се под контрола и локализирани.

-Нормално секоја искра може да значи нов пожар. Уште еднаш апелирам до сите граѓани навистина одговорност – имаат строга забрана по шумите, мораме да внимаваме сите и тоа внимание мора да биде посочено и за себе и за другите. Значи, да пријавувам ако имаме нешто загрозувачко или слично. Веќе се поднесени пет кривични пријави за пет случаеви. Рака на срце, три од нив се ненамерно предизвикани пожари, двата се веројатно намерно предизвикани, тоа истрагата и обвинителството ќе го утврдат, тие се процесуирани и секако казните се огромни. И ќе бидат огромни. Затоа уште еднаш апелирам до сите пред се на одговорност, а понатаму и на солидарност и на помагање кое што во моментов го имаме, додасе македонскиот премиер.
Околу сервисирањето на хеликоптерите додаде дека истите се сервисираат постојаноа проблем според негп има и со авионите, конкретно недостигаат компании за сервисирање, регистрирање, одржување и лиценцирање поради што многу често жалбените постапки согласно Законот за јавни набавки никако не завршуваат.
-Овие денови побаравме можност преку Бирото за јавни набавки по пат на преговарање да се ангажираат најблиските фирми. Отворивме можност, амбасадите помагаат, влада со влада со Хрватска затоа што нивните воени служби ги имаат лиценците и можноста да го направат сервисирањето на канадерите, на авионите и дефинитивно секогаш кога ни се случуваат вакви несреќи, вакви непогоди, вакви пожари сите сме свесни колку е важно да бидеме подготвени, додаде премиерот.

Владата како што дополни и досега помагала, според него има голем дел од противпожарните единици обновено, има доста нови возила, но и најголем дел се со застарена механизација. Најави продолжување и понатаму со уште поинтензивно темпо да се набавуваат средства, машини, противпожарни возила, се што им треба на пожарникарите.

-Конечно пожарникарите се решени минатата година со соодветните примања. Поминаа внатрешни работи, Министерство за одбрана и тие се веќе решени, така што соодветно се платени пожарникарите во која било противпожарна единица во државата. Комплименти за сите оние општини коишто ги наградија овие денови самите пожарникари заради тоа што навистина некои имаат непрекинати часови повеќе од ден, два, три коишто се на терен и навистина заслужуваат. Јас реков, тие се нашите херои – заедно пожарникарите, Армијата, полицијата, ЦУК, ДЗС, но и локалното население како и голем ата благодарност до пријателските земји коишто помогнаа, додаде премиерот на државата.
Оно што е ново како што дополни на крај е дека денеска се очекува и големото летало од Романија со уште едно второ, кое што ќе биде од помош, едното за гаснење, а другото за асистирање заради тоа што е поголемо во обем и носи поголеми количини на вода. Изрази надеж дека навреме и тој ќе стигне за да помогне токму на оваа најтешка локација – Беровско-пехчевскиот и Делчевски регион.