Општините ќе управуваат со градежното неизградено земјиште.

март 13 18:38 2018 од Senad Rasimov

Општините ќе управуваат со градежното неизградено земјиште. Ова, денес  со договор го потврдија Министерството за транспорт и врски и ЗЕЛС , како дел од напорите за поголема децентрализација, но и зголемување на општинските капацитети:

• Сакаме да воспоставиме систем во кој продажбата на градежно државно земјиште ќе се води на најтранспарентен начин, изјави Горан Сугарески, министер за транспорт и врски.

Дополнително, ЗЕЛС во иднина ќе управува и со т.н. е-градежно земјиште, односно со  електронски систем преку кој по електронски пат се вршат сите постапки за купопродажба или закуп на градежно земјиште во сопственост на Република Македонија:

• Приоритетот на ЗЕЛС е сите општини да ги исполнат условите за управување со неизградено градежно земјиште и самите да ги спроведуваат постапките во овој систем, како еден од клучните предуслови и една од најголемите придобивки во процесот на децентрализација, изјави Петре Шилегов, прет. на ЗЕЛС.

Овој систем досега го користат 46 општини кои ги имаат исполнето сите услови утврдени со закон и се стекнале со право да управуваат со неизграденото градежно земјиште, сопственост на Република Македонија. Во останатите општини постапките се водеа преку Министерството за транспорт и врски.