Општина Берово продолжува со унапредување на системот за управување со отпад, при што во соработка со општествено одговорна компанија НОВО НОРДИСК ФАРМА ДООЕЛ увоз- извоз Скопје, во ООУ ,, Дедо Иљо Малешевски” во Берово, ќе биде поставена паметна џубокс канта, за складирање и рециклирање на отпад.

Денеска, Градоначалникот на Општина Берово, Звонко Пекевски и претставник од фимрата НОВО НОРДИСК ФАРМА ДООЕЛ увоз- извоз Скопје, потпишаа меморандум за соработка, при што на Општина Берово, ќе и биде  доделена 1 паметна џубокс канта.

Целта, како што истакнаа од  НОВО НОРДИСК ФАРМА ДООЕЛ, е поттикнување промени со цел заштита на животната средина и поттикнување на децатата, на навики за соодветно складирање и рециклирање на отпадот.

Паметната џубокс канта, со секое складирање на отпад, ќе пушта музика и ќе преставува уникатен спој на екологијата и музиката, со посебен акцент за зачувување на животната средина уште од мали нозе.