Делчевските и беровските планинари се обединија. Отсега ќе делуваат како едно здружение , но со два огранока:

• Ние се приклучивме кон ПСД Голак и како огранок сме регистрирани под името Сосна, кажа Даниела Вангелова, прет. на огранок Сосна – Берово.

Прва заедничка маршрута на двата огранока беше искачувањето на Врвот Пецов Чукар на Малешевските Планини на 1.490 метри надморска височина:

• Тргнавме од туристичкиот локалитет Абланица на 910 м/нв и пешачевме до Пецов Чукар  кој се наоѓа во централниот дел на Малешевските Планини на 1.490 м/нв, изјави Љупчо Чучуковски, прет. на ПСД „Голак“ – Делчево.

Искачувањето на Малешевските планини има пред се промотивен карактер:

• Овие маршрути се исклучително значајни зашто се во насока, токму на промоција на туристичките потенцијали на Малешевските Планини, кажа Чучуковски.

Малешевските планини се еден од најживописниот планински дел во источна Македонија, но досега не е доволно промовиран и афирмиран.