ЗА ПРВ ПАТ ВО БЕРОВО ОДРЖАН НАТПРЕВАР ВО ВЛЕЧЕЊЕ ТРУПЦИ СО КОЊИ.

ЗА ПРВ ПАТ ВО БЕРОВО ОДРЖАН НАТПРЕВАР ВО ВЛЕЧЕЊЕ ТРУПЦИ СО КОЊИ.
мај 06 20:52 2021

По повод денешниот празник Ѓурѓовден или познат кај Ромите како „Едерлези“, денес во Берово се одржа натпревар во влечење трупци со коњи.Организаторите информираа дека овој настан се одржува по прв пат и се надеваат дека во иднина ќе биде традиционален.Освен учесници од Берово, на натперварот со коњи имаше и гости од Штип, а вкупно се напреваруваа 13 коњи.

-Вакви настани со коњи има во Струмица,Радовиш,Кичево и други градови во Македонија, па и кај нас еве втора година го правиме.Денешниот ден е значаен за нас, бидејќи на нас Ромите ни е празник и во чест на тој празник организираме ваков натпревар со коњи.Целта на ова случување пред се дружба и забава, како и одбелжување на празникот на Ромите Едерлези – рече Демчо Демировски.

Денешниот натпревар со коњи, побуди интерес и кај граѓаните, кои љубопитно го следеа и уживаа во случувањето.

Инаку ова натпреварување со коњи е наречено Штрапаљада кое особено е познато во соседните земји Србија,Босна,Црна Гора а неизостанува ниту нашата дрќава, каде во повеќе градови се одржуваат вакви настани.

На денешниот натпревар на коњи, имаше и парични награди каде првото и второто место ги освоија претставниците од Штип а третото место му припадна на натпреварувачот од Берово.

Познат како Ерделези, Ѓурѓовден е еден од најзначајните празници со кој припадниците на ромската заедница го слават доаѓањето на пролетта, будењето на земјата, плодноста. Инаку Ерделези, ромите го слават како народен, а не како верски празник, но секако со многу интересни и бројни обичаи.

  Категории:
напиши коментар

0 Коментари

Сеуште нема коментари!

Биди прв што ќе коментира.

Напиши коментар

Вашите податоци се безбедни! Вашата е-маил адреса нема да биде публикувана. Сите *полиња се задолжителни,

This site uses Akismet to reduce spam. Learn how your comment data is processed.