“Пакомак”, донира 8 контејнери за собирање и складирање на отпадна пластика за Берово

“Пакомак”, донира 8 контејнери за собирање и складирање на отпадна пластика за Берово
ноември 27 11:15 2021

Фирмата ,,Пакомак” од Скопје, повторно  е сериозен партнер на општина Берово, кога станува збор за собирање и складирање на отпад, при што донира 8  контејнери, кои се наменети за собирање и складирање на отпадна пластика.

Контејнерите ќе бидат поставени на фреквентни локации на јавно- прометни површини и истите ќе придонесат во засилување на системот за собирање на отпад во Берово, кој може да биде реупотребен и рециклиран.

Полека но сигурно продолжуваме со  воспоставување на систем за селектирање на комуналниот отпад во општината, при што во иднина треба да направиме селекција и на преостанатиот отпад, зошто само така ќе придонесеме кон чиста и здрава животна средина, за сите нас.

Селектирањето на отпадот и грижата за животната средина во која сите заедно живееме, почнува од секој од нас. Никој друг не може да го земе пластичното шише од вашиот дом и да го фрли во контејнерот за селекција, освен вие самите, а вашиот избор не е само ваш, туку и избор за тоа како ќе живеат вашите деца, порачуваат од „Пакомак“ од каде упатуваат совети за правилно селектирање отпад.

  Категории:
напиши коментар

0 Коментари

Сеуште нема коментари!

Биди прв што ќе коментира.

Напиши коментар

Вашите податоци се безбедни! Вашата е-маил адреса нема да биде публикувана. Сите *полиња се задолжителни,

This site uses Akismet to reduce spam. Learn how your comment data is processed.