109 години фудбал во Македонија.

109 години фудбал во Македонија.
април 09 20:11 2018

 

На денешен ден, 9-ти април во далечната 1909 година се одигра првиот фудбалски натпревар во Македонија што е датум кој го означува заживувањето на оваа популарна игра на нашите простори.

Точно на Велигден , група турски војници и офицери на школување во западноевропските земји одиграле натпревар меѓу себе на импровизираното игралиште на полјаната зад Учителската школа во населбата Ислахане (Идадија) во Скопје.

Две години подоцна, во 1911 година, формиран е првиот фудбалски клуб во Македонија, под име Ускип (Скопје), претходница на СК Вардар во 1912 година, на Пелистер од Битола во 1914 и на Војновиќ во 1915 година.

По осамостојувањето формирана е и македонската фудбалска репрезентација која во 1993г го одигра и првиот меѓународен натпревар со Словенија во Крањ каде победивме со 4-1. До ден денешен Македонија имаше бројни настапи на меѓународната сцена во сите категории. Се паметат нерешените резултати со Англија и Холандија, пласманот на 46 место на рејтинг листата на ФИФА и како најголем успех пласманот на младата фудбалска репрезентација на Македонија  ЕП во Полска како и најубедливата победа  против Лихтенштајн од 11-1.

Извор: Сител Тв
  Категории:
напиши коментар

0 Коментари

Сеуште нема коментари!

Биди прв што ќе коментира.

Напиши коментар

Вашите податоци се безбедни! Вашата е-маил адреса нема да биде публикувана. Сите *полиња се задолжителни,

This site uses Akismet to reduce spam. Learn how your comment data is processed.