Во четврток во Сити Паб во Берово, ќе биде презентирано првото дело на нашиот беровчанец Љубомир Бубевски со наслов „Марчни денови“.Промоцијата на книгата е закажана со почеток во 19 часот, каде пред поканетите пријатели, познаници и гости, презентација ќе одржи самиот автор на книгата Бубевски, а предвидено е културно музичка забава за сите посетители.

Мрачни денови е возбудлива психолошка драма, која ќе ве одведе во потрага по човечките судбини, искушенија, двоумења и неправди, опишувајќи го животот на една племенска заедница, а посебно животот на главниот јунак Тодор Сата. Дејствието во овој роман се одвива во предградието Винстон, мистичниот дом и внатрешниот ентериер и екстериер, Градот, во шумските предели околу Винстон, врвот и изворот Орелско око.

Љубомир Бубевски е млад автор на возраст од 39 години. Куриозитет е што овој роман го има напишано уште во далечната 1999 година. По професија е дипломиран правник. Покрај прозата, пишува и поезија, а исто така е вљубеник во музиката, театарот, спортот, филмот. Живее и работи во Берово.