Бектеши: Кон крајот на мај можно е да се отворат рестораните за свадби.

Бектеши: Кон крајот на мај можно е да се отворат рестораните за свадби.
април 20 10:10 2021

Министерот за економија Крешник Бектеши, не ја исклучи можноста кон крајот на мај да бидат отворени рестораните за свадби. Министерот ова го најави на вчерашното гостување во „Клик Плус“ на ТВ21.

„Верувам дека во разговорите кои ги имаме во рамките на Кризниот штаб, некаде кон крајот на мај треба да се дозволи и отворањето на рестораните за свадби имајќи го предвид и трендот на намалување на бројот на нови случаи – изјави Бектеши.

Рестораните за свадби повеќе од една година се веќе затворени, не се дозволени свадби и други поголеми семејни веселби поради пандемијата. Во моментов се затворени и другите угостителски објекти поради третиот бран.

  Категории: