ОПШТИНА ПЕХЧЕВО: ОДБЕЛЕЖАНИ 119 ГОДИНИ ОД СМРТТА НА ГОЦЕ ДЕЛЧЕВ ВО СЕЛО ПАНЧАРЕВО

ОПШТИНА ПЕХЧЕВО: ОДБЕЛЕЖАНИ 119 ГОДИНИ ОД СМРТТА НА ГОЦЕ ДЕЛЧЕВ ВО СЕЛО ПАНЧАРЕВО
мај 04 13:12 2022

Градоначалникот на Општина Пехчево и  делегација од општината денеска положи цвеќе на споменикот на Гоце Делчев во село Панчарево.

Револуционерот Гоце Делчев на денешен ден во 1903 бил убиен од турската војска во селото Баница, на пат кон Сер.

Визионерот кој пред повеќе од еден век го разбра светот како поле за културен натпревар на народите е роден на 4 февруари 1872 година во Кукуш, во семејството на Султана и Никола.

Се школувал во гимназијата во Солун и на Воената академија во Софија. Учителствувал во Штип, а како член на Централниот комитет на ТМОРО работел на создавање мрежа на бази, комитети и комитски чети на Организацијата. Учествувал на Солунскиот конгрес на ВМРО (1896), а до 1901 година бил задграничен претставник на ВМРО во Софија.

По убиството во 1903, неговите посмртни останки се чувале во Баница, до 1917 година, кога биле пренесени во Ксанти, а потоа во Софија. До 1923 година, ковчежето со коските се чувало во домот на Михаил Чаков. Останките на Делчев на 11 октомври 1946 година биле пренесени во црквата „Свети Спас“ во Скопје.

напиши коментар

0 Коментари

Сеуште нема коментари!

Биди прв што ќе коментира.

Напиши коментар

Вашите податоци се безбедни! Вашата е-маил адреса нема да биде публикувана. Сите *полиња се задолжителни,

This site uses Akismet to reduce spam. Learn how your comment data is processed.